اسلام آباد(اے بی این نیوز)اسلام آباد میں مبینہ خودکشی کرنے والے ایس پی انڈسٹریل ایریا عدیل اکبر کی میڈیکل رپورٹ اور چھٹی کی درخواست منظر عام پر آگئی۔

ایس پی انڈسٹریل ایریا عدیل اکبر کی منظرعام پر آنی والی درخواست میں انکا ڈینگی ٹیسٹ مثبت آیا، حکام بالا کو تین دن رخصت کی درخواست بھجوائی مگرچھٹی نہ ملی،ڈاکٹرز نےمیڈیکل رپورٹ میں بھی ایس پی عدیل اکبر کو مکمل آرام کامشورہ دیا تھا، ایس پی انڈسٹریل ایریا نے رخصت کی درخواست ڈی آئی جی اسلام آبادکو بھیجی تھی،طبی رخصت سےمتعلق اطلاع اے آئی جی اسٹیبلشمنٹ اسلام آبادکوبھی دی گئی تھی.

ایس پی عدیل اکبرنے درخواست کی تھی کہ 20 سے 22 اکتوبر تک طبی بنیادپرچھٹی دی جائے۔خیال رہے کہ ایس پی آئی 9 عدیل اکبر نےنجی ہوٹل کے قریب سٹاف سے پسٹل لے کر گولی چلائی، ایس پی کو زخمی حالت میں پولی کلینک منتقل کیا گیا لیکن وہ زخموں کی تاب نہ لاتے ہوئے انتقال کر گئے ۔
مزید پڑھیں: عمران خان کا ایکس اکائونٹ بند کرنے کی درخواست سماعت کے لئے مقرر