اسلام آباد( اے بی این نیوز     ) پاکستان اور افغانستان کی دوطرفہ تجارت سیکیورٹی خدشات کے باعث عارضی طور پر معطل۔ ایف بی آر کے مطابق
تجارت معطلی سے قبل 363 درآمدی گاڑیوں کی کلیئرنس مکمل کر لی گئی۔
طورخم پر 23درآمدی گاڑیاں گڈز ڈیکلریشن جمع نہ ہونے پر کلیئرنس کی منتظر ہیں۔
ان گاڑیوں میں کپڑا، پینٹ، مونگ پھلی اور دالوں جیسی خراب نہ ہونے والی اشیاء لدی ہوئی ہیں۔
گڈز ڈیکلریشن جمع کرائے جانے کے فوراً بعد کسٹمز حکام کلیئرنس مکمل کر لیں گے۔
اس وقت 495 گاڑیاں طورخم اور چمن پر سرحد پار کرنے کی منتظر ہیں۔
سرحد کی بندش کے باعث برآمدی سامان والی 255 گاڑیاں طورخم ٹرمینل کے اندر کھڑی ہیں۔
تقریباً 200 گاڑیاں جمرود لنڈی کوتل روڈ پر پھنسی ہوئی ہیں۔
غلام خان، خرلاچی اور انگور اڈہ بارڈر اسٹیشنز پر کوئی درآمدی گاڑی کلیئرنس کی منتظر نہیں ہے۔
چمن بارڈر کسٹمز سٹیشن پر 15 اکتوبر سے کسٹمز کلیئرنس آپریشنز معطل ہیں۔
چمن میں 5 درآمدی اور 23 برآمدی گاڑیاں پروسیسنگ کی منتظر ہیں ۔
ان گاڑیوں کے مالکان نے اپنی کھیپیں واپس لے جانے سے انکار کر دیا ہے۔
یہ مالکان سرحد دوبارہ کھلنے اور تجارت بحال ہونے کے منتظر ہیں ۔
سرحد کھلنے اور صورت حال معمول پر آنے پر کلیئرنس کا عمل فوراً بحال کر دیا جائے گا۔

مزید پڑھیں :غیر قانونی افغان شہریوں کے خلاف آپریشن جاری