مکہ مکرمہ ( اے بی این نیوز)سعودی عرب نے ایک بار پھر مسجد الحرام میں آنے والے اللہ کے مہمانوں کے لیے نئی سہولت فراہم کرنے کا اعلان کیا ہے۔
سعودی میڈیا کے مطابق وزارت حج و عمرہ نے پہلی بار ’’زمزم فرام ناسک‘‘ کے نام سے نئی سروس شروع کی ہے۔
اس ایپ کے ذریعے عازمین حج اور عام لوگ اب گھر سے چھوٹی بوتلوں (330 ملی لیٹر) میں زمزم کا پانی منگوا سکیں گے۔
یہ صرف ایک سہولت نہیں ہے بلکہ ایک روحانی تحفہ، ایک مقدس امانت ہے، جسے اب محبت اور عقیدت کے ساتھ ہر دروازے پر پہنچایا جائے گا۔
اس سروس کا افتتاح کرتے ہوئے وزیر حج ڈاکٹر توفیق الربیعہ نے کہا کہ آب زمزم صرف پانی نہیں ہے، یہ شفا، برکت اور دعا ہے۔
انہوں نے مزید کہا کہ اب ناسک پلیٹ فارم کے ذریعے زمزم کا پانی صرف چند کلکس پر دستیاب ہوگا، چاہے آپ مکہ، مدینہ یا سعودی عرب کے کسی بھی شہر میں ہوں۔
یاد رہے کہ گزشتہ حج سیزن کے دوران مکہ مکرمہ میں رہائش کی سہولیات پر زمزم وینڈنگ مشینیں نصب کی گئی تھیں جہاں سے عازمین کو دن میں تین بار بوتل مل سکتی تھی۔
تاہم اب سے یہ مقدس پانی صرف ایک ایپ کی بدولت ہر گھر اور ہر حاجی تک پہنچایا جائے گا۔
مزید پڑھیں:دوحہ مذاکرات: پاکستان نے افغان وفد کیلئے کالعدم گروپوں کی افغانستان میں موجودگی کو ناقابل قبول قرار دیدیا
