اسلام آباد(اے بی این نیوز)ترجمان دفتر خارجہ شفقت علی خان کا کہنا ہے کہ پاکستان اور افغانستان کے درمیان مہاجرین کا معاملہ دونوں ممالک کے رہنماؤں کے درمیان ایجنڈے کا حصہ رہا ہے۔

صحافیوں کو بریفنگ دیتے ہوئے شفقت علی خان کا کہنا تھا غیردستاویزی افراد کو واپس بھیجا جائے گا، یہ پاکستان کا علاقہ ہے، فیصلے ہم کرینگے کہ یہاں کون رہے گا اور کون نہیں، امید ہے جرمنی اپنے وعدے کے مطابق افغان شہریوں کو لے جائیگا۔

ترجمان دفتر خارجہ نے افغانستان میں حملوں کے الزامات مسترد کرتے ہوئے دہشتگردی کے خلاف افغانستان سے مزید تعاون کا مطالبہ بھی کیا۔شفقت علی خان کا کہنا تھا دہشت گردوں کی محفوظ پناہ گاہیں خصوصاً افغانستان میں ایک سنگین مسئلہ ہیں۔

، یہ مسئلہ دونوں ممالک کے تعلقات میں رکاوٹ ہے۔انکا کہنا تھا کہ طالبان اپنی سرزمین کو پاکستان کے خلاف دہشت گردی کےلئےاستعمال نہ ہونے دیں۔
مزید پڑھیں: ملک بھر میں 20 کلو آٹے کے تھیلے کی قیمت2500 روپے تک پہنچ گئی