اسلام آباد(اے بی این نیوز)بانی پی ٹی آئی کے طبی معائنہ کی درخواست کی سماعت کل تک ملتوی کر دی گئی،درخواست گزار کے وکلاء انسداد دہشتگردی عدالت میں کل اپنے دلائل دینگے۔

بانی پی ٹی آئی کےطبی معائنہ سےمتعلق درخواست علیمہ خان نے اپنے وکلاء فیصل ملک،خالد یوسف چوہدری اور تابش فاروق کے ذریعےدائرکی تھی۔ آئندہ سماعت میں درخواست گزار کے وکلاء عدالت میں اپنے دلائل دینگے۔

درخواست میں بانی کےمکمل طبی اورآنکھوں کےمعائنے کیلئے میڈیکل بورڈ کے قیام کی استدعا کرتے ہوئے موقف اختیار کیا گیا کہ اڈیالہ جیل میں ملاقات کےدوران بانی نےاپنی آنکھوں میں دباؤ اوردھندلے پن کی شکایت کی تھی۔

درخواست میں عدالت سے استدعا کی گئی ہے کہ بانی پی ٹی آئی کےذاتی معالجین کو میڈیکل بورڈ میں شامل کیا جائےاورڈاکٹر فیصل اور راولپنڈی میڈیکل یونیورسٹی کےسربراہ امراض چشم پروفیسر فواد احمد پرمشتمل میڈیکل بورڈ تشکیل دیا جائے، عدالت سپرنٹنڈنٹ اڈیالہ جیل کو میڈیکل بورڈ بنانے کا حکم دے۔بانی دو سال سےقید ہیں،آخری معائنہ 4 نومبر2024 کو ہوا تھا،بارہا درخواستیں دینے کے باوجود ان کا معائنہ نہیں کیاگیا۔
مزید پڑھیں: پیٹرولیم مصنوعات کی قیمتوں میں اضافے کا امکان