اسلام آباد(اے بی این نیوز)عدالت نے بانی پی ٹی آئی عمران خان اور بشریٰ بی بی کے خلاف توشہ خانہ کیس ٹو کی سماعت میں سپرنٹنڈنٹ جیل کو فیملی اور وکلاء کو شامل کرنے کا حکم دے دیا۔

اسپیشل جج سینٹرل شاہ رخ ارجمند نے اڈیالہ جیل میں ہونے والی گزشتہ سماعت کا تحریری حکم نامہ جاری کرتے ہوئے کہا کہ جن وکلاء کے وکالت نامے جمع ہیں، سپرنٹنڈنٹ جیل ان کو آنے کی اجازت دے۔

حکم نام میں کہا گیا ہے کہ جیل کے باہر جو فیملی ممبرز موجود ہوں ان کو بھی سماعت میں آنے کی اجازت دیں۔ بیرسٹر سلمان صفدر نے جیل سماعت میں وکلاء اور فیملی کو روکنے کے خلاف درخواست دی تھی۔ عدالت نے سپرنٹنڈنٹ کو احکامات جاری کرنے کے بعد درخواست نمٹا دی۔
مزید پڑھیں: پی ٹی آئی کے سیکرٹری اطلاعات شیخ وقاص اکرم اشتہاری قرار