پشاور(اےبی این نیوز)سکیورٹی ذرائع نے واضح کردیا ہے کہ اگر قبائل خوارج کو نہیں نکال سکتے تو علاقہ خالی کردیں۔ کسی بھی طرح کی مسلح کاروائی کا اختیار صرف ریاست کے پاس ہے۔

باجوڑ میں خارجیوں کا جھوٹ بے نقاب ہوگیا، ذرائع کے مطابق خوارج باجوڑ میں آبادی کے درمیان رہ کر دہشتگردانہ کارروائیوں میں ملوث ہیں۔

ذرائع کے مطابق قبائل اور خارجیوں سے بات چیت میں جان بوجھ کر ابہام پیدا کیا جا رہا ہے، خیبرپختونخوا حکومت اور سیکیورٹی حکام نے قبائل کے سامنے 3 نکات رکھے، افغانیوں پر مشتمل خارجیوں کو باہر نکالا جائے۔

اگر قبائل خارجیوں کو خود نہیں نکال سکتے تو ایک یا دو دن کے لئے علاقہ خالی کردیں تاکہ سیکیورٹی فورسز ان خوارجیوں کو اُن کے انجام تک پہنچا سکیں۔ اگر یہ دونوں کام نہیں کئے جاسکتے تو حتی الامکان حد تک کولیٹرل ڈیمیجز سے بچیں کیونکہ دہشت گردوں کے خلاف کاروائی ہر صورت جاری رہے گی۔

سکیورٹی ذرائع کے مطابق خوارج اور ان کے سہولت کاروں کے ساتھ حکومتی سطح پر کوئی بات چیت کا سوال ہی پیدا نہیں ہوتا، جب تک کے وہ ریاست کے سامنے مکمل طور پر سرتسلیم خم نہ کردیں، قبائلی جرگہ ایک منطقی قدم ہے تاکہ کاروائی سے پہلے حتی الامکان حد تک عوامی تحفظ کو یقینی بنایا جاسکے۔
مزید پڑھیں: جبری گمشدگیوں سے متعلق کمیشن کی تشکیل نو،جسٹس (ر) ارشد حسین چیئرمیں تعینات