لاہور(اے بی این نیوز)لاہورہائیکورٹ نے وزیراعظم شہباز شریف کے بیٹے سلیمان شہباز پر جعلی چیک کا مقدمہ درج کرنے کا ٹرائل کورٹ کا فیصلہ کالعدم قرار دے دیا۔

چیف جسٹس لاہور ہائیکورٹ مس جسٹس عالیہ نیلم نے سلیمان شہباز کی درخواست پرسماعت کی۔ درخواست گزار کے وکیل نے مؤقف اختیار کیا کہ سیشن کورٹ نے10 جولائی کو قانون کے منافی مقدمہ درج کرنے کے احکامات دیئے۔

سیشن کورٹ نےحقائق کا جائزہ لئے بغیر چیک ڈس آنرکے معاملے پر مقدمہ درج کرنےکا حکم جاری کیا۔دوران سماعت مدعی کے وکیل سید فراز حیدر نے بتایا کہ سلیمان شہباز کی کمپنی نے 17 لیپ ٹاپ خریدے۔

لیپ ٹاپ کی خریداری پر 6 لاکھ کا چیک دیا گیا۔ چیک کیش کرانے گئے تو پتہ چلا چیک جعلی تھا۔ سلیمان شہبازکے وکیل نے دلائل دیے کہ لیپ ٹاپ کبھی کمپنی تک پہنچے ہی نہیں۔ کمپنی کے ملازم نے چیک چوری کرکے آگے دیئے۔

کمپنی کے ملازم پر چوری کا مقدمہ بھی درج کرایا گیا کمپنی کا ان چیکس سے کوئی لینا دینا نہیں ہے۔ چیف جسٹس نے مدعی کے وکیل سےاستفسارکیا کہ آپ ابھی تک یہ نہیں بتا سکے کہ خریداری کس تاریخ کی ہے لیپ ٹاپ خریداری کی رسیدوں پروصولی دیتے وقت کمپنی کی اسٹیمپ بھی موجود نہیں یہ کمپنیوں کا معاملہ ہے کمپنیاں ایسے کام نہیں کرتیں۔

عدالت نے دونوں جانب سے دلائل مکمل ہونے پر سلیمان شہباز پر مقدمہ درج کرنے کا فیصلہ کالعدم قرار دے دیا۔
مزیدپڑھیں: اوورسیز پاکستانی خواتین کو ملازمت کیلئے عمر میں 2 سال کی اضافی رعایت مل گئی