راولپنڈی (اے بی این نیوز)کاؤنٹر ٹیررازم ڈیپارٹمنٹ (سی ٹی ڈی) اور حساس ادارے نے راولپنڈی میں کامیاب خفیہ کارروائی کے دوران فتنہ الخوارج سے تعلق رکھنے والا انتہائی خطرناک دہشتگرد کو گرفتار کرلیا۔
ترجمان سی ٹی ڈی کے مطابق گرفتار دہشتگرد حساس مقامات کی ریکی مکمل کر چکا تھا۔ دہشتگرد کے قبضے سے بارودی مواد، ہینڈ گرنیڈ اور ڈیٹونیٹر برآمد کر لئےگئے۔
حکام کا کہنا ہے کہ گرفتار دہشتگرد افغانستان میں متعدد بارٹریننگ کےلیے جاچکا ہے، ملزم فتنہ الخوارج کے اہم کمانڈر کے ساتھ رابطے میں تھا، دہشتگرد نے چند روز قبل حساس مقامات کی ویڈیو بنا کر سوشل میڈیا پر وائرل بھی کی۔ سی ٹی ڈی نے دہشتگرد کے خلاف مقدمہ درج کرکے تفتیش شروع کردی ہے۔
مزید پڑھیں: علماء نے بچوں کی پیدائش میں مناسب وقفہ ناگزیر قراردیدیا
