اسلام آباد(اے بی این نیوز)وزیراعظم محمد شہبازشریف نےخضدار میں اسکول بس پربھارتی سرپرستی میں کام کرنےوالے دہشتگردوں دوں کے بزدلانہ حملے کی شدید الفاظ میں مذمت کی ہے۔
وزیراعظم شہبازشریف نےدہشتگردحملے میں معصوم بچوں اورانکے اساتذہ کی شہادت پر رنج و ملال کا اظہار کیا ہے،انہوں نے ذمہ داران کے فوری تعین اور انہیں قرار واقعی سزا دلوانے کی ہدایت کی ہے۔
وزیر اعظم نےکہا بھارتی سرپرستی میں کام کرنےوالےدہشتگردوں کا اسکول بس میں معصوم بچوں پر حملہ انکی بلوچستان میں تعلیم دشمنی کا منہ بولتا ثبوت ہے،دہشتگردوں نے اسکول بس پر حملہ کرکے درندگی کی تمام حدیں پار کیں،بھارتی سرپرستی میں پلنے والے ان دہشتگردوں کو ان کے انجام تک پہنچا کر دم لیں گے،بھارتی حمایت یافتہ ان دہشتگردوں کے بلوچستان کے امن کو خراب کرنے کے ناپاک عزائم کو خاک میں ملانے کیلئے کوئی کسر نہیں چھوڑی جائیگی۔
مزید کہاپاکستان کےمستقبل،ننھےومعصوم بچوں کو نشانہ بنانے والےان دہشتگردوں کو کیفر کردار تک پہنچایا جائیگا،مجھ سمیت پوری قوم کی ہمدردیاں دہشتگردوں کی بربریت کا نشانہ بننے والے ان معصوم بچوں کے اہل خانہ کے ساتھ ہیں،سکیورٹی فورسز اور حکومت پاکستان ملک سے دہشتگردی کے مکمل خاتمے کے لئے پر عزم اور متحد ہیں۔
مزید پڑھیں: خضدار بزدلانہ حملے کی منصوبہ بندی بھارت کی دہشتگرد ریاست نے کی ،ترجمان پاک فوج
