راولپنڈی ( اے بی این نیوز  )چیف آف آرمی اسٹاف جنرل سید عاصم منیر نے کہا ہے کہ پشاور واقعے کے ذمہ داروں کو انصاف کے کٹہرے میں لایا جائے گا۔پاک فوج کے شعبہ تعلقات عامہ (آئی ایس پی آر) کے مطابق آرمی چیف کی زیر صدارت کورکمانڈرز کانفرنس ہوئی، جس میں بالخصوص سانحہ پشاور کے بعد امن و امان کی صورت حال پر تبادلہ خیال کیا گیا۔آئی ایس پی آر کے مطابق آرمی چیف نے کور کمانڈرز سے خطاب میں کہا کہ دہشت گرد قوم کے عزم کو کمزور نہیں کرسکتے، پشاور واقعہ کے زمہ داروں کو انصاف کے کٹہرے میں لایا جائے گا۔آرمی چیف مے کہا کہ دہشتگردی کے خلاف پر عزم ہیں،دہشتگردوں کی کارروائیاں قوم کے عزم کو متزلزل نہیں کر سکتیں،پولیس لائن دھماکے کے شہدا کوخراج عقیدت پیش کرتے ہیں، آئی ایس پی آر کے مطابق گی ایچ کیو میں آرمی چیف کی زیر صدارت کور کمانڈرز کانفرنس منعقد ہو ئی ، انہون نے کہا کہ دہشتگردی کے خلاف جنگ میں کامیابی کیلئے پر عزم ہیں۔کورکمانڈرز کانفرنس میں ایل او سی سمیت خطے کی سیکیورٹی صورتحال کا جائزہ لیا گیا ۔پاک فوج کے شعبہ تعلقات عامہ (آئی ایس پی آر) کے مطابق کانفرنس میں پشاور پولیس لائنز دھماکے کے شہداء کو خراج عقیدت پیش کیا گیا۔آئی ایس پی آر کے مطابق آرمی چیف کا کہنا تھا کہ دہشتگردی کیخلاف زیروٹالیرنس پالیسی پرگامزن ہیں، پائیدارامن کیلئے انسداددہشت گردی کارروائیوں پرتوجہ مرکوزرکھی جائے۔آرمی چیف جنرل عاصم منیر نے کہا کہ ایسی بزدلانہ کارروائیاں قوم کےعزم کو متزلزل نہیں کرسکتیں، ایسی کارروائیاں دہشتگردی کیخلاف کامیابی کےعزم کوتقویت دیتی ہیں۔ترجمان پاک فوج کے مطابق کانفرنس میں مقبوضہ کشمیر میں انسانی حقوق کی خلاف ورزیوں اور آبادی کو تبدیل کرنے کا بھی نوٹس لیا گیا۔ عسکری قیادت نے کشمیریوں کی جدوجہدآزادی کی مکمل حمایت کےعزم کا اعادہ کیا۔آئی ایس پی آر کے مطابق کانفرنس میں شرکاء کو موجودہ اور ابھرتے ہوئے خطرات، سلامتی کی صورتحال اور ملک بھر میں دہشت گردوں کے درمیان گٹھ جوڑ کو توڑنے کےلیے فوج اور قانون نافذ کرنے والے اداروں کی جانب سے جاری انٹیلی جنس آپریشنز کے بارے میں تفصیل سے آگاہ کیا گیا۔واضح رہے کہ پشاور پولیس لائنز کی مسجد میں ہونے والے دھماکے میں شہدا کی تعداد 100 سے تجاوز کر گئی جبکہ متعدد کی حالت تشویشناک ہے۔ وزیر داخلہ رانا ثنا اللہ نے بتایا کہ شہدا میں 97 پولیس اہلکار و افسران اور تین سویلین شامل تھے۔