پونچھ (اے بی این نیوز)پونچھ ڈویژن میں گزشتہ رات لائن آف کنٹرول کے مختلف علاقوں میں بھارتی فوج کی شیلنگ جاری ہے۔ پاک فوج کی رات بھر بھارتی فوج کی چوکیوں پربھرپورجوابی کارروائی سے بھارتی توپیں خاموش ہوگئیں۔انتظامیہ کا کہنا ہے کہ بھارتی فوج ایل او سی کے اطراف کھلونا بم پھیلا رہی ہے۔ شہری کسی انجان چیز کو ہاتھ نہ لگائیں۔
راولاکوٹ میں کوٹیڑی نجم خان کا رہائشی 22 سال کا اسامہ عشرت بھارتی گولہ باری میں شہید جبکہ اس کی دو بہنیں زخمی ہوگئیں۔ اسامہ کی 10 دن قبل شادی ہوئی تھی۔ ہجیرہ میں بھارتی بلا اشتعال فائرنگ سے تین افراد زخمی ہوئے جنہیں اسپتال منتقل کردیا گیا۔وادی نیلم میں تیسرے روز بھی کنٹرول لائن کی مسلسل خلاف ورزی جاری ہے۔
بھارتی فوج کی جانب سے وادی نیلم میں سول آبادی کو نشانہ بنانے کا سلسلہ جاری ہے۔شاہکوٹ، جورا، اٹھمقام ، دودنیال، شاردہ، کیل اور ہلمت سیکٹرز میں بھارتی فوج کی جانب سے بلا اشتعال فائرنگ جاری ہے۔ پاک فوج کی جانب سے بھارتی گولہ باری کا موثر جواب دیا گیا ۔بالائی علاقہ کیل میں بھارتی گولہ باری سے ایک نوجوان شدید زخمی ہوگیا، کیل ماٹرگولہ لگنےسے نادرہ آفس کی عمارت کو نقصان پہنچا۔
بھارتی جارحیت،ڈی ایچ کیو اسپتال اٹھمقام میں ایمرجنسی نافذ کردی گئی۔دوسری جانب پاک فوج نے لائن آف کنٹرول پر ایک اور کواڈ کاپٹر مار گرایا۔ سیکیورٹی ذرائع کے مطابق سماہنی آزاد کشمیر کے علاقے باغسر پاک فوج نے بھارتی کواڈ کاپٹر مار گرایا۔ کواڈ کاپٹر کوصبح 3:15 پر نشانہ بنایا گیا۔
مزید پڑھیں: پاک فوج نے ایک اور بھارتی کواڈ کاپٹر مارگرایا
