لاہور(نیوز ڈیسک ) 10 جنوری 2025 کو سکول کے طلباء کے لیے موسم سرما کی تعطیلات باضابطہ طور پر ختم ہو گئیں، اور اس نے سرد موسم کی وجہ سے تعطیلات میں توسیع کے بارے میں افواہوں کو جنم دیا۔
والدین اور اسکول جانے والے طلباء پریشان تھے کیونکہ ایک نوٹیفکیشن آن لائن منظر عام پر آیا، جس میں تجویز کیا گیا تھا کہ موسم کی شدت کی وجہ سے چھٹیاں 18 جنوری 2025 تک بڑھا دی گئی ہیں۔
واٹس ایپ اور دیگر سوشل سائٹس پر افواہوں کے درمیان سیکرٹری تعلیم خالد نذیر وٹو نے طلباء کے لیے موسم سرما کی تعطیلات میں توسیع کی خبروں کو مسترد کرتے ہوئے کہا کہ چھٹیوں میں توسیع کے حوالے سے آن لائن شیئر کیے جانے والے نوٹیفکیشن جعلی ہیں۔
خالد نذیروٹو نے تصدیق کی کہ اسکول 13 جنوری 2025 پیر کو شیڈول کے مطابق دوبارہ کھلیں گے اور والدین پر زور دیا کہ وہ سوشل پلیٹ فارمز سے معلومات حاصل نہ کریں۔
انہوں نے اس بات پر زور دیا کہ محکمہ تعلیم اپنے آفیشل سوشل میڈیا پلیٹ فارمز کے ذریعے کسی بھی سرکاری اپ ڈیٹ یا اعلانات سے آگاہ کرتا ہے۔وٹو نے والدین اور دیگر اسٹیک ہولڈرز کو یہ بھی مشورہ دیا کہ وہ درست اور بروقت معلومات کے لیے مکمل طور پر “اسکول ایجوکیشن ڈیپارٹمنٹ پنجاب کے آفیشل پیج پر انحصار کریں۔
مزید پڑھیں: فرانس میں 2 ٹرام آپس میں ٹکرانے سے 50 افراد زخمی ہوگئے
