کراچی(نیوز ڈیسک )سعودی عرب اور یو اے ای سمیت 4 ممالک سے گزشتہ چوبیس گھنٹے کے دوران 63 پاکستانیوں کو بے دخل کیا گیا۔ائیرپورٹ ذرائع کے مطابق سعودی عرب، یو اے ای، ملائیشیا اور عراق سے 24 گھنٹوں میں 63 پاکستانیوں کو بے دخل کیا گیا، ان افراد کو کراچی پہنچنے پر قانونی کارروائی کے بعد گھروں کو روانہ کردیا گیا۔

ائیر پورٹ ذرائع کا کہنا ہےکہ سعودی عرب سے بلیک لسٹ ہونے پر 4 بھکاری یا ہاروب ہونے پر 15 اور زائد المیعاد قیام پر 10 پاکستانیوں کو بے دخل کیا گیا۔

اس کے علاوہ ممنوعہ تارکین وطن ہونے پر ملائیشیا سے 16 پاکستانیوں کو بے دخل کیا گیا جبکہ غیر قانونی داخلے اور زائد المیعاد پر عراق سے 11 پاکستانیوں کو ایمرجنسی پاسپورٹ پر پاکستان بھیجا گیا۔یو اے ای سے 4 پاکستانیوں کو بے دخل کر کے پاکستان بھیجا گیا۔
مزید پڑھیں: کوئٹہ میں امن وامان کے پیش نظر دو روز کیلئے موبائل فون اور انٹرنیٹ سروس بند