اسلام آباد( نیوز ڈیسک ) شفقت علی خان کو ممتاز زہرہ بلوچ کی جگہ دفتر خارجہ کا نیا ترجمان مقرر کیا گیا ہے۔ذرائع نے بتایا کہ شفقت علی خان اس وقت وزارت خارجہ میں ایڈیشنل سیکرٹری برائے یورپ کے طور پر اپنی ذمہ داریاں نبھا رہے ہیں۔شفقت علی خان اس سے قبل پولینڈ اور روس میں پاکستان کے سفیر رہ چکے ہیں۔
ممتاز زہرہ بلوچ جو اس وقت دفتر خارجہ کی ترجمان کے طور پر خدمات انجام دے رہی ہیں، کو حال ہی میں فرانس میں پاکستان کی سفیر مقرر کیا گیا ہے۔ممتاز زہرہ بلوچ اس وقت وزارت خارجہ کی ترجمان اور ایڈیشنل سیکرٹری خارجہ (اسٹریٹیجک کمیونیکیشن ڈویژن اینڈ پبلک ڈپلومیسی) ہیں۔ اپنے موجودہ عہدے سے پہلے، وہ جمہوریہ کوریا میں پاکستان کی سفیر (2020-2021) اور چین میں پاکستانی سفارت خانے میں وزیر/ڈپٹی ہیڈ آف مشن (2015-2020) کے طور پر خدمات انجام دے چکی ہیں۔
وہ سفارت خانہ پاکستان، واشنگٹن ڈی سی (2006-2011) میں سیاسی امور کی کونسلر اور اقوام متحدہ، جنیوا (1999-2002) میں پاکستان کے مستقل مشن میں سیکنڈ سیکرٹری کے طور پر بھی کام کر چکی ہیں۔وزارت خارجہ، اسلام آباد میں انہوں نے ایڈیشنل سیکرٹری خارجہ (ایشیا اور بحرالکاہل)، ڈائریکٹر (امریکہ)، ڈائریکٹر (سیکیورٹی کونسل اینڈ ہیومن رائٹس) اور ڈائریکٹر (اسٹریٹجک پلاننگ) کے طور پر کام کیا۔2014-2015 کے دوران، ممتاز زہرہ بلوچ نے ڈائریکٹر (اکیڈمک پروگرام) اور بعد میں فارن سروس اکیڈمی اسلام آباد کے قائم مقام ڈائریکٹر جنرل کے طور پر خدمات انجام دیں۔
3 مزید پڑھیں: ارب 20 کروڑ روپے کا ٹیکس فراڈ کیس، ملزم کی 100 روپے میں ضمانت منظور
