کراچی ( نیوز ڈیسک ) میڈیکل اینڈ ڈینٹل کالج داخلہ ٹیسٹ ایم ڈی کیٹ آج سندھ بھر میں دوبارہ منعقد کیا جا رہا ہے، جس میں 38,609 امیدواروں کی شرکت متوقع ہے۔رپورٹ کے مطابق، ٹیسٹ کا دورانیہ ساڑھے تین گھنٹے ہے، جس کے انتظامات مختلف مراکز بشمول کراچی کے دو: این ای ڈی یونیورسٹی اور جامعہ کراچی میں کیے گئے ہیں۔IBA سکھر، جسے عدالتی ہدایات کے بعد دوبارہ ٹیسٹ کے انعقاد کا کام سونپا گیا ہے، نے تصدیق کی کہ پیپر 200 کثیر انتخابی سوالات پر مشتمل ہوگا۔
کراچی کے مراکز میں لاجسٹک:
این ای ڈی یونیورسٹی میں خواتین امیدوار وزیٹرس گیٹ سے داخل ہوں گی جبکہ مرد امیدوار مین گیٹ سے داخل ہوں گے۔ والدین کو انتظار کے لیے قریبی ہال مختص کر دیا گیا ہے۔
جامعہ کراچی میں، ٹیسٹ مسکان گراؤنڈ میں لیا جائے گا، جہاں تک رسائی مسکان گیٹ اور میٹرو ویل گیٹ کے ذریعے دی جائے گی۔ مسکان گیٹ سے پیدل چلنے والوں کے داخلے پر پابندی ہے جبکہ میٹرو ویل اور شیخ زید گیٹس سے گاڑیوں کو جانے کی اجازت ہے۔یہ ٹیسٹ ایک ساتھ کراچی، حیدرآباد، جامشورو، شہید بینظیر آباد، لاڑکانہ اور سکھر میں ہو رہا ہے۔ وائس چانسلر ڈاکٹر آصف شیخ نے طلباء کو یقین دلایا کہ پیپر لیک ہونے سے محفوظ ہے۔
مزید پڑھیں: باغیوں کا دمشق پرقبضہ ،شامی صدر بشارالاسدملک سے فرار
