اسلام آباد( نیوز ڈیسک )فیڈرل ڈائریکٹوریٹ آف ایجوکیشن (ایف ڈی ای) نے وفاق کے زیر انتظام تمام تعلیمی اداروں میں ہفتہ کی چھٹی کو باضابطہ طور پر ختم کر دیا ہے۔جمعہ کو جاری کردہ ایک نوٹیفکیشن میں کہا گیا ہے کہ یہ فیصلہ حالیہ مہینوں میں اسکولوں کی بندش سے متاثر ہونے والی تعلیمی سرگرمیوں کی تلافی کے لیے کیا گیا ہے۔
یہ فیصلہ 30 نومبر (کل) سے نافذ العمل ہوگا اور یکم فروری 2025 تک نافذ العمل رہے گا۔اس کا مطلب ہے کہ فیڈرل بورڈ کے دائرہ اختیار میں آنے والے اسکولوں اور کالجوں میں کل سے ہفتہ کو مکمل کام کا دن سمجھا جائے گا۔
اس اقدام کی وضاحت کرتے ہوئے، ایف ڈی ای حکام نے بتایا کہ طویل تعطیلات اور غیر متوقع بندش کی وجہ سے طلباء کی تعلیم خاصی متاثر ہوئی ہے۔ نوٹیفکیشن میں کہا گیا ہے کہ یہ تبدیلی اس بات کو یقینی بنانے کے لیے کی گئی ہے کہ طلباء کو مطلوبہ تدریسی وقت ملے اور وہ اپنے نصاب کو شیڈول کے مطابق مکمل کریں۔
مزید پڑھیں: ڈاکٹر عافیہ صدیقی رہائی کیلئے دائر درخواست کی سماعت ، وزیر اعظم کو سمری بھیجنے کا حکم
