کراچی ( نیوز ڈیسک ) سینیٹر فیصل واوڈا نے دعویٰ کیا ہے کہ پی ٹی آئی پر جلد پابندی لگنے والی ہے اور پی ٹی آئی کے کچھ مخلص رہنما پی ٹی آئی پاکستان کے بینر تلے فارورڈ بلاک بنانے جا رہے ہیں۔
نجی ٹی وی سے گفتگو کرتے ہوئے واوڈا نے کہا کہ جلد پی ٹی آئی کی موجودہ قیادت عوام میں اپنا چہرہ نہیں دکھا سکے گی۔ انہوں نے دعویٰ کیا کہ پی ٹی آئی نے 9 مئی کو غلطیاں کیں۔
فیصل واوڈا نے کہا کہ ایک خاتون نے دعویٰ کیا تھا کہ ہر قیمت پر ڈی چوک جاؤں گی اور پھر وہاں سے بھاگ گئی۔سینیٹر واوڈا نے کہا کہ وہ پی ٹی آئی کے بانی کو بچانے کی کوشش کر رہے ہیں اور کریں گے، بشریٰ بی بی پارٹی کو تباہ کرنا چاہتی تھیں۔انہوں نے کہا کہ پی ٹی آئی کی پوری قیادت کہتی ہے کہ اس خاتون نے ان کے لیے مصیبت کھڑی کی ہے۔
سینیٹر واوڈا نے کہا کہ علی امین گنڈا پور کو گرفتار نہیں کیا جائے گا لیکن بشریٰ بی بی کو گرفتار کیا جائے گا۔انہوں نے کہا کہ لطیف کھوسہ 10 لاکھ لوگوں کو لانے کی بات کر رہے تھے، تصویر میں صرف 5 لوگ تھے، چند لوگ تھے اور مظاہرین میں سرکاری ملازم تھے۔ انہوں نے سوال کیا کہ کل پی ٹی آئی کی قیادت کہاں تھی؟
مزید پڑھیں: یہ نہیں ہوسکتا قومی ٹیم بھارت جاکر کھیلے اور بھارتی ٹیم پاکستان نہ آئے،چیئرمین کرکٹ بورڈ
