اسلام آباد( نیوز ڈیسک ) 24 نومبر کو اسلام آباد میں پارٹی کے احتجاج میں شرکت کے لیے پی ٹی آئی کے لاہور چیپٹر کی وضع کردہ حکمت عملی منظر عام پر آگئی۔ذرائع کے مطابق پی ٹی آئی کے ارکان اسمبلی اور ٹکٹ ہولڈرز پارٹی کارکنوں کے قافلوں کی قیادت کریں گے۔
انہوں نے انکشاف کیا ہے کہ اس بار کاروں اور موٹر سائیکلوں کو شامل کیا جائے گا، نہ کہ کوچ اور بسیں، قافلے میں شامل ہوں گی۔پنجاب اسمبلی کے تین حلقوں سے قافلے ایک جگہ جمع ہوں گے اور وفاقی دارالحکومت کے لیے روانہ ہوں گے۔
ذرائع نے یہ بھی انکشاف کیا ہے کہ پی ٹی آئی کے رہنما اور کارکنان موٹر وے سے نہیں بلکہ جی ٹی روڈ کے راستے اپنی منزل کی طرف روانہ ہوں گے۔ہر اسمبلی ممبر اور ٹکٹ ہولڈر دو نمائندے مقرر کریں گے تاکہ وہ ان کی گرفتاری کی صورت میں گروپ کی قیادت کر سکیں،
ذرائع نے بتایا کہ ہر یو سی کے عہدیداروں کو پارٹی کارکنوں کو اپنے ساتھ لانے کا کام سونپا گیا ہے۔وہ گروپ کے لیے کاروں اور موٹرسائیکلوں کا بھی انتظام کریں گے، جب کہ رکن اسمبلی یا ٹکٹ ہولڈر گاڑیوں کے لیے کھانے اور پیٹرول کا انتظام کرنے کا ذمہ دار ہوگا۔
مزید پڑھیں: چیمپئنز ٹرافی: پی سی بی نے سمیر احمد کو ٹورنامنٹ ڈائریکٹر مقررکردیا
