بھکر( نیوز ڈیسک )اتوار کو بھکر میں مظفر گڑھ روڈ پر ایک المناک حادثہ پیش آیا، جہاں اتوار کو مسافر بس کھڑے ٹرالر سے ٹکرا گئی، جس کے نتیجے میں بس ڈرائیور اور کنڈیکٹر جاں بحق ہوگئے۔
بس اوچ شریف سے راولپنڈی جا رہی تھی کہ چپری ہوٹل کے قریب ٹرالر سے ٹکرا گئی۔رپورٹ کے مطابق، حادثے میں دو افراد کی جانیں گئیں اور نو مسافر شدید زخمی ہوئے۔ریسکیو 1122 کی ٹیموں نے فوری طور پر جائے وقوعہ پر پہنچ کر جاں بحق اور زخمیوں کو ڈسٹرکٹ ہیڈ کوارٹر ہسپتال (ڈی ایچ کیو) بھکر منتقل کیا۔ذرائع کے مطابق گھنے سموگ اور دھند کی وجہ سے حد نگاہ خراب ہونے کا امکان ہے کہ حادثے کا سبب بنے۔
مزید پڑھیں: سموگ کے باعث لاہور اسلام آباد موٹروے بند، ملکی وبین الاقوامی پروازیں تاخیر کا شکار
