اہم خبریں

کیا حکومت 9 نومبر کو عام تعطیل کا اعلان کرے گی؟

اسلام آباد( نیوز ڈیسک )بہت سے لوگ حیران ہیں کہ حکومت 9 نومبر کو یوم اقبال کے موقع پر عام تعطیل کا اعلان کرے گی یا نہیں؟ اتوار تک حکومت نے چھٹی کے حوالے سے کوئی نوٹیفکیشن جاری نہیں کیا۔

گزشتہ سال حکومت نے 9 نومبر کو عام تعطیل کا اعلان کیا تھا۔9 نومبر 1877 کو سیالکوٹ میں پیدا ہونے والے علامہ اقبال برصغیر کی ایک اہم شخصیت کے طور پر ابھرے، انہوں نے تحریک پاکستان میں اہم کردار ادا کیا۔

ایک جدید صوفی شاعر کے طور پر اقبال نے اپنی اثر انگیز شاعری کے ذریعے قوم میں انقلابی جذبے کو ابھارا۔ ان کے ادبی کاموں کا ہسپانوی، چینی، جاپانی اور انگریزی سمیت مختلف زبانوں میں ترجمہ ہو چکا ہے، جس نے انہیں عالمی سطح پر ایک قابل ذکر فلسفی کے طور پر قائم کیا۔افسوسناک بات یہ ہے کہ اقبال پاکستان کی آزادی کو دیکھنے کے لیے زندہ نہیں رہے، 21 اپریل 1938 کو انتقال کر گئے۔
مزید پڑھیں: آج بروزپیر 4 نومبر2024 پاکستان کے مختلف شہروں میں موسم کیسا رہے گا؟؟

متعلقہ خبریں