نئی دہلی(نیوزڈیسک)بھارت میں‌سمندری طوفان ڈانا نے تباہی مچادی، طوفان ڈانا ریاست اڈیشہ کے ساحل سے ٹکراگیا، جگت سنگھ پور، کیندراپاڑا، بھدرک، اور بالاسور میں موسلادھار بارشوں کا سلسلہ جاری ہے۔

علاقے میں ایک سو دس کلو میٹر فی گھنٹہ کی رفتار سے ہوائیں چلنے لگیں، درخت جڑ سے اکھڑ گئے، طوفان کے باعث دس لاکھ افراد پہلے ہی نقل مکانی کر چکے ہیں۔

طوفان اور بارشوں سےپروازوں کا شیڈول بھی متاثر، کئی دفاتر اور اسکول بند، ہنگامی حالات کے پیش نظر فوج، بحریہ، کوسٹ گارڈ اور امدادی ٹیموں کو ہائی الرٹ کردیا گیا۔

یاد رہے کہ انڈیا کے مشرقی ساحل طویل عرصے سے سمندری طوفانوں کا شکار ہیں۔گزشتہ سال انڈیا میں مہلک طوفان سے 523 افراد ہلاک ہوئے اور ایک اندازے کے مطابق 2.5 ارب ڈالر کا نقصان ہوا۔
بھارتی چیف جسٹس نے ریٹائرمنٹ سے قبل قوم کوجدید ٹیکنالوجی سے لیس وار روم کا تحفہ دیدیا