اسلام آباد،کراچی(نیوز ڈیسک ) ملک بھر میں آج مختلف امام بارگاہوں سے چپ تعزیہ کے جلوس نکالے جائیں گے۔ ٹریفک پولیس نے شہریوں کی سہولت کے لیے ٹریفک پلان جاری کر دیا ہے۔
راولپنڈی
چپ تعزیہ کا جلوس دوپہر 2 بجے امام بارگاہ سید حفاظت علی شاہ، بوہڑ بازار نزد لال حویلی سے نکالا جائے گا۔اس سلسلے میں بوہڑ بازار، اقبال روڈ، عالم خان روڈ (کمیٹی چوک) اور کالج روڈ آج رات 11 بجے تک بند رہیں گے۔
کراچی
کراچی کی ٹریفک پولیس نے بھی آج ہونے والے چپ تعزیہ کے جلوس کے انتظامات مکمل کر لیے ہیں۔ماتمی جلوس صبح 6:30 بجے نشتر پارک سے شروع ہو گا اور حسینیہ ایرانیاں امام بارگاہ پہنچ کر باغ مسافر خانہ موسیٰ لین پر اختتام پذیر ہو گا جہاں پر عزاداری کی جائے گی۔ٹریفک پولیس کے مطابق جلوس کی سہولت کے لیے متعدد سڑکیں بند کی جائیں گی۔
ان میں نشتر پارک، شاہ خراسان، ایم اے جناح روڈ، صدر دواخانہ اور حسینیہ ایرانیاں امام بارگاہ کو ملانے والی سڑکیں شامل ہیں۔کراچی میں چہلم کے جلوس کے دوران کئی اہم سڑکیں ٹریفک کے لیے بند رہیں گی۔ تبت چوک، ایم اے جناح روڈ اور بمبئی بازار گاڑیوں کے لیے ناقابل رسائی ہوں گے۔
حسن اسکوائر سے پیپلز چورنگی جانے والے مسافروں کو متبادل راستے اختیار کرنے کا مشورہ دیا گیا ہے۔شہر کے رہائشی اپنے سفر کے لیے کشمیر روڈ، شاہراہ قائدین اور جیل فلائی اوور استعمال کر سکتے ہیں۔ ناظم آباد سے لسبیلہ چوک جانے والے افراد نشتر روڈ سے گارڈن ایریا کی طرف جاسکتے ہیں۔مزید برآں لیاقت آباد سے تین ہٹی، لسبیلہ چوک اور مارٹن روڈ پر سینٹرل جیل تک کے راستے کھلے رہیں گے۔
سوسائٹی لائٹ سگنل نمایش کی طرف جانے والوں کے لیے ایک آپشن ہے، جو کشمیر روڈ کے ذریعے رسائی کی اجازت دیتا ہے۔ اس دوران گرومندر تا بہادر یار جنگ روڈ اور سولجر بازار تک ٹریفک کھلی رہے گی۔مسافروں کو اس کے مطابق اپنے سفر کی منصوبہ بندی کرنے کا مشورہ دیا گیا ہے۔
مزید پڑھیں: ستاروں کی روشنی میں آج بروزجمعتہ المبارک،13 ستمبر 2024 آپ کا کیرئر،صحت، دن کیسا رہے گا ؟
