لاہور (نیوز ڈیسک )جسٹس عابد عزیز شیخ نے ہفتہ کو لاہور ہائی کورٹ کے قائم مقام چیف جسٹس کے عہدے کا حلف اٹھا لیا۔حلف برداری کی تقریب لاہور ہائی کورٹ کے ججز لاؤنج میں ہوئی جہاں جسٹس شاہد کریم نے قائم مقام چیف جسٹس سے حلف لیا۔
لاہور ہائیکورٹ کے جسٹس سید شہباز علی رضوی، جسٹس شمس محمود مرزا اور جسٹس طارق سلیم شیخ تقریب میں موجود تھے۔حلف برداری کی تقریب میں صوبائی اور وفاقی لاء افسران، عہدیداران اور لاہور ہائیکورٹ بار اور لاہور بار ایسوسی ایشنز کے وکلاء نے بھی شرکت کی۔
تقریب حلف برداری میں لاہور ہائی کورٹ کے ڈائریکٹر جنرل (ڈی جی) جوڈیشل اینڈ کیس مینجمنٹ تنویر اکبر اور دیگر افسران نے بھی شرکت کی۔واضح رہے کہ چیف جسٹس عالیہ نیلم کے غیر ملکی دورے کے باعث جسٹس عابد عزیز شیخ کو لاہور ہائیکورٹ کا قائم مقام چیف جسٹس تعینات کیا گیا ہے۔
مزید پڑھیں: پاکستان کے مختلف شہروں میں واٹس ایپ اور انسٹا گرام سروسز بند
