پیرس (  اے بی این نیوز       )جیولین تھرو میں گولڈ میڈل جیتنے والے پاکستان کے مایہ ناز ارشد ندیم کو گوکڈ میڈل سے نواز دیا گیا۔ گریناڈا کے اینڈرسن پیٹرز کو کانسی کا تمغہ، ہندوستان کے نیرج چوپڑا کو پیرس اولمپکس میں جیولین تھرو ایونٹ میڈل تقریب کے دوران چاندی کا تمغہ دیا گیا۔

ارشد ندیم نے جیولن تھرو ایونٹ میں اولمپک ریکارڈ کے ساتھ گولڈ میڈل جیت لیا ارشد ندیم نے 92.97 میٹر تھرو کے ساتھ نیا اولمپک ریکارڈ قائم کر کے وطن کا سر فخر سے بلند کر دیا۔

پیرس میں پاکستانی پرچم بلند کیا گیا، قومی ترانہ بھی بجایا گیا، تقریب میں قومی ترانے کے موقع پر ارشد ندیم کی آنکھیں نم ہو گئیں۔ یہ نم ہو نے والی آنکھوں میں یہ خوشی کے آ نسو تھے۔ ارشدندیم نےجیولن فائنل میں92.97میٹرتھروکرکےنیاریکارڈقائم کیا۔

ورلڈایتھلیکٹس فیڈریشن کی جانب سے ارشدندیم کو50ہزارڈالر کی رقم بھی دی گئی۔ 50ہزارڈالرپاکستانی روپےمیں ایک کروڑ39لاکھ بنتےہیں۔

پاکستانی وقت کے مطابق میڈل تقسیم کی تقریب رات 10 بجے کے قریب ہوئی ۔ میڈل تقریب آئفل ٹاور کے قریب چیمپئنز پارک میں ہوئی۔

دیگر کھلاڑیوں نے ارشد ندیم کے ساتھ سیلفیاں بنوائیں۔

ارشد ندیم نے طلائی تمغہ پہننے کے بعد ہاتھ فضا میں لہرا کر چیمپئنز پارک میں موجود ہزاروں تماشائیوں کی داد کا جواب دیا۔

تقریب سے قبل اولمپک لیجنڈ ارشد ندیم ، چیمپینز پارک پیرس میں پہنچے تو ان کا شاندار استقبال کیا گیا۔

ارشد ندیم نے فینز زون میں آٹو گراف دیے، اور مداحوں نے ان کے ساتھ سیلفیاں بناٸیں۔ ہزاروں شاٸقین نے جیولین تھرو میں ریکارڈ بنانے پر ارشد ندیم کو خراج تحسین پیش کیا۔
اولمپکس میں گولڈ میڈل جیتنے پر قومی اسمبلی میں پاکستانی ایتھلیٹ ارشد ندیم کو خراج تحسین پیش کرنےکی قرار داد متفقہ طورپر منظور کی گئی۔ جب کہ سینیٹ اجلاس میں بھی ارشد ندیم کو گولڈ میڈل جیتنے پر مبارکباد پیش کی گئی۔

اس کے علاوہ خیبرپختونخوا اسمبلی میں بھی ارشد ندیم کو خراج تحسین پیش کیا گیا۔ ارشد ندیم کیلئے وزیر اعلیٰ پنجاب نے 10 کروڑ اور سندھ حکومت نے 5 کروڑ روپے انعام کا بھی اعلان کیا۔

مزید پڑھیں :کرہ ارض کو شمسی طوفان کا خطرہ ،سورج کی سطح سے اٹھنے والے پلازمہ اور مقناطیسی لہروں کے اثرات تین سے چار دن تک زمین پر آنے کا اندیشہ ہے،سپارکو