اسلام آباد(نیوز ڈیسک ) اسلام آباد ہائی کورٹ نے پاکستان تحریک انصاف (پی ٹی آئی) کے رہنما شبلی فراز کا نام ایگزٹ کنٹرول لسٹ (ای سی ایل) سے نکالنے کا حکم دے دیا۔
اسلام آباد ہائیکورٹ کے جسٹس طارق محمود جہانگیری نے بیرون ملک سفر پر پابندی سے متعلق شبلی فراز کی درخواست پر سماعت کی۔ پی ٹی آئی رہنما اپنے وکیل کے ہمراہ عدالت میں پیش ہوئے۔درخواست گزار کے وکیل نے سماعت کے دوران موقف اختیار کیا کہ شبلی فراز کے خلاف چار فرسٹ انفارمیشن رپورٹ (ایف آئی آر) ہیں اور وہ ان تمام میں ضمانت پر ہیں۔
جسٹس طارق محمود نے سرکاری وکیل سے استفسار کیا کہ اب زمین کیا ہے؟ جس پر سرکاری وکیل نے جواب دیا کہ عدالتی حکم پر عمل کریں گے۔اسلام آباد ہائیکورٹ کے جسٹس طارق نے ریمارکس دیئے کہ وزارت داخلہ اور ڈائریکٹر جنرل (ڈی جی) پاسپورٹ عدالت کو مطمئن نہیں کر سکے۔ شبلی فراز کا نام ایک ہفتے میں ای سی ایل سے نکال کر عدالت میں رپورٹ پیش کی جائے۔
عدالت نے ڈی جی پاسپورٹ اور ڈی جی فیڈرل انویسٹی گیشن ایجنسی (ایف آئی اے) کو عملدرآمد رپورٹ پیش کرنے کا حکم دے دیا۔
مزید پڑھیں: پاکستان اور عالم اسلام اسماعیل ہنیہ شہید کی شہادت پر اشکبار ہے،وزیراعظم
