کراچی ( نیوز ڈیسک )کراچی کے علاقے اورنگی ٹاؤن میں غوثیہ چوک کے قریب گھر میں گیس سلنڈر پھٹنے سے متعدد افراد جھلس کر زخمی ہوگئے۔ذرائع کے مطابق گیس سلنڈر پھٹنے سے گھر میں موجود 8 افراد شدید جھلس گئے۔
دھماکے کے نتیجے میں ایک دیوار بھی گر گئی جس سے پڑوسی مکان کی چھت گر گئی اور ملبے تلے دب کر چار افراد زخمی ہو گئے۔تمام زخمیوں کو سول ہسپتال کے برن وارڈ میں منتقل کر دیا گیا ہے جہاں انہیں طبی امداد دی جا رہی ہے۔
زخمیوں میں سے تین کی حالت تشویشناک بتائی جاتی ہے۔متاثرہ خاندان نے بتایا کہ وہ گزشتہ دو سالوں سے گیس کی فراہمی سے محروم ہیں جس کی وجہ سے وہ گیس سلنڈر پر انحصار کرنے پر مجبور ہیں۔دھماکے سے مکان کو خاصا نقصان پہنچا جس میں اس کی دیوار گرنے سے پڑوسی مکان کو بھی شدید نقصان پہنچا۔
مزید پڑھیں: ڈولئی کے مقام پر شدید لینڈ سلائیڈنگ ، کوہالہ مظفرآباد روڈ بند
