گھوٹکی (نیوز ڈیسک) گھوٹکی میں ڈاکوؤں نے حفاظتی پشتے پر قائم پولیس چوکی پر حملہ کردیا جس کے نتیجے میں 2 پولیس اہلکار شہید ہوگئے۔
ایس ایس پی گھوٹکی سمیر نور کے مطابق شیر گینگ کے ایک درجن سے زائد ڈاکوؤں نے تھانہ اندل سندرانی کی حدود میں حفاظتی پشتے پر قائم پولیس چوکی نمبر 46 پر جدید ہتھیاروں اور راکٹ لانچروں سے حملہ کیا۔ ان کا کہنا تھا کہ حملے میں دو پولیس اہلکار ظہیر تھہیم اور عبدالقادر مہر شہید ہوئے۔
اطلاعات ہیں کہ پولیس کی جوابی فائرنگ سے ڈاکو زخمی ہو گئے۔ ایس ایس پی کے مطابق پولیس کی بھاری نفری طلب کرکے ڈاکوؤں کا تعاقب جاری ہے۔
مزید پڑھیں: پاکستان سمیت دنیا بھر میں ہیپا ٹائٹس کا عالمی دن آج منایا جارہا ہے
