اسلام آباد(نیوز ڈیسک )پاکستان تحریک انصاف (پی ٹی آئی) کے ناراض رہنما شیر افضل مروت نے شبلی فراز سے پارٹی عہدوں سے مستعفی ہونے کا مطالبہ کرتے ہوئے دعویٰ کیا کہ پارٹی کوقبضہ مافیاسے نجات دلانا ضروری ہے۔
مروت کا یہ مطالبہ عمر ایوب کی جانب سے پی ٹی آئی کے سیکرٹری جنرل کے عہدے سے مستعفی ہونے کے بعد سامنے آیا، جس میں کہا گیا تھا کہ پارٹی کے تنظیمی ڈھانچے میں مزید تبدیلیاں کی جائیں گی۔
عمر ایوب کے استعفیٰ پر ردعمل ظاہر کرتے ہوئے افضل مروت نے ایکس (سابقہ ٹویٹر) پر کہا کہ میں عمر ایوب خان کے سیکرٹری جنرل کے عہدے سے مستعفی ہونے کے دانشمندانہ فیصلے کا خیرمقدم کرتا ہوں۔
پارٹی میں اہم عہدوں پر فائز چند دوسرے لوگوں کو بھی اس کی پیروی کرنی چاہیے۔پارٹی قیادت کے بارے میں بات کرتے ہوئے، مروت نے کہا کہ ایسی بہت سی مثالیں ہیں جہاں قیادت ناکام رہی، انہوں نے مزید کہا کہ اس کی بہت سی مثالیں موجود ہیں جن میں پارٹی کےبلے کے نشان اور مخصوص نشستوں کے مسائل شامل ہیں۔
پی ٹی آئی کی موجودہ قیادت پر تنقید کرتے ہوئے انہوں نے کہا کہ پارٹی ایک بھی کام پورا کرنے میں ناکام رہی۔ (عمران) خان جیل میں ہیں اور مینڈیٹ کی بازیابی ابھی بہت دور ہے۔ ہماری خواتین اور رہنما جیلوں میں بند ہیں اور ہم عوام کو ایک عظیم تحریک کے لیے متحرک کرنے میں ناکام رہے ہیں۔
پی ٹی آئی رہنما نے دعویٰ کیا کہ ’’پارٹی کی کور کمیٹی اور سیاسی کمیٹیاں فیورٹ پر مشتمل ہوتی ہیں اور پارٹی فیصلے میرٹ پر نہیں ہوتے‘‘۔انہوں نے مزید کہا کہ میں شبلی فراز کے پارٹی دفتر اور سینیٹ میں قائد حزب اختلاف دونوں سے استعفیٰ کا مطالبہ کرتا ہوں، تب ہی پارٹی قبضہ مافیا کے چنگل سے آزاد ہوگی۔سیاستدان نے کہا کہ اگر پارٹی رہنما انہیں میدان میں لانا چاہتے ہیں تو انہیں ان کے مطالبات کے حق میں آواز اٹھانی چاہیے۔ “اگر شبلی فراز کو پی ٹی آئی سے ہٹا دیا جاتا ہے، تو میں وعدہ کرتا ہوں کہ وقت کی ضرورت کے مطابق پارٹی اٹھے گی، مروت نے وعدہ کیا۔
گزشتہ روز ایک حیران کن اقدام میں عمر ایوب نے پاکستان تحریک انصاف (پی ٹی آئی) کے سیکرٹری جنرل کے عہدے سے استعفیٰ دے دیا۔پارٹی کے بانی کو لکھے گئے خط میں قومی اسمبلی میں قائد حزب اختلاف عمران خان نے کہا کہ میں سیکرٹری جنرل کے عہدے سے استعفیٰ منظور کرنے پر بانی پی ٹی آئی کا شکر گزار ہوں۔عمر ایوب نے کہا کہ انہوں نے 22 جون کو اپنا استعفیٰ پارٹی چیئرمین بیرسٹر گوہر علی خان کو بھجوایا کہ شبلی فراز نے جیل میں پی ٹی آئی کے بانی کو ان کا پیغام پہنچایا۔
مزید پڑھیں: فیصل واوڈا اور مصطفیٰ کمال کی غیر مشروط معافی قبول ،توہین عدالت کا نوٹس واپس
