لاہور(نیوز ڈیسک) پاکستانی عازمین حج کی ادائیگی کے بعد آج (جمعرات) سے وطن واپسی شروع کر دیں گے۔تفصیلات کے مطابق حج کی ادائیگی کے بعد پاکستانی عازمین کی واپسی آج سے شروع ہوگی۔

پاکستان انٹرنیشنل ایئرلائنز (پی آئی اے) سمیت تمام نجی ایئرلائنز جدہ اور مدینہ منورہ سے حاجیوں کو واپس لائیں گی۔پاکستان انٹرنیشنل ایئرلائنز کی پہلی پرواز حجاج کرام کو لے کر آج کراچی پہنچے گی۔

پی آئی اے کا بعد از حج آپریشن 21 جولائی تک جاری رہے گا جس میں مجموعی طور پر 250 سے زائد پروازیں چلائی جائیں گی۔سول ایوی ایشن کے مطابق ملک بھر کے بین الاقوامی ہوائی اڈوں پر عازمین کی آمد کے لیے خصوصی انتظامات کیے گئے ہیں۔
مزیدپڑھیں: ٹک ٹاک نے پاکستانی حکومت کی درخواست پر93.5 فیصد متنازعہ ویڈیوز کو ہٹادیا