راولپنڈی (نیوزڈیسک)آرمی چیف جنرل عاصم منیر پاک فوج کے جوانوں کیساتھ عید منانے ایل او سی حاجی پیر سیکٹر پہنچ گئے۔ انٹر سروسز پبلک ریلیشنز کیمطابق آرمی چیف نے فرنٹ لائن پر موجود افسروں اور جوانوں کے ساتھ عید کی نماز ادا کی اور پاکستان کی سلامتی اور خوشحالی کیلئے دعا کی۔
آرمی چیف جنرل عاصم منیر نے پاکستان کے شہداء کی قربانیوں کو خراج عقیدت پیش کیا۔دربار سے خطاب کرتے ہوئے، آرمی چیف جنرل عاصم منیر نے مادر وطن کے دفاع کیلئے ان کی لگن، بلند حوصلے اور عزم کو سراہا۔آرمی چیف نے کہا کہ بطور فوجی، ہم ڈیوٹی کے دوران اپنے گھروں اور پیاروں سے دور ایسے تہوار منانے پر فخر محسوس کرتے ہیں، اپنے ملک اور ہم وطنوں کی سلامتی کو یقینی بناتے ہیں۔
مقبوضہ کشمیر کی عوام کے حوالے سے گفتگو کرتے ہوئےآرمی چیف جنرل عاصم منیر نے اقوام متحدہ کی متعلقہ قراردادوں کے مطابق پاکستان کے اصولی موقف کا اعادہ کیا۔انہوں نے کشمیریوں کے خلاف بھارت کے جاری ظلم و بربریت کی مذمت کرتے ہوئے کہا کہ انتخابات کے بعد بھارت پاکستان کے خلاف جھوٹے پروپیگنڈے اور اشتعال انگیزیوں سے اپنی جارحیت اور کشمیری عوام کو نشانہ بنانے کی کوشش کر رہا ہے۔
اس طرح کے ہتھکنڈے بشمول جعلی فلیگ آپریشنز بھارت کا ایک معمول کا سیاسی آلہ بن چکے ہیں۔پاکستان نے ہمیشہ خطے میں امن و استحکام کی حمایت کی تاہم کسی بھی اشتعال انگیزی یا پاکستان کی علاقائی خودمختاری کی خلاف ورزی کا فوری اور پرعزم جواب دیا جائے گا، قوم کی مکمل حمایت کے ساتھ، انشاء اللہ،” COAS نے نتیجہ اخذ کیا۔قبل ازیں آرمی چیف کی آمد پر کور کمانڈر راولپنڈی نے استقبال کیا۔
پارا چنار میں بارش،موسم خوشگوار، عید کی خوشیاں دوبالا ہوگئیں
