اسلام آباد(نیوزڈیسک) سعودی عرب کے سفیر نواف بن سعید المالکی کی دعوت پر لاہور کی اچھرہ مارکیٹ میں ایک خاتون کو پرتشدد ہجوم سے بچانے والی اے ایس پی سیدہ شہربانو نقوی کی سعودی سفارتخانے آمد۔ ،سعودی سفیر نواف بن سعید المالکی کی سیدہ شہر بانو نقوی کو ان کے اہل خانہ سمیت سعودی عرب میں شاہی مہمان بننے کی دعوت ۔
سعودی سفارتکار کے مطابق اے ایس پی سیدہ شہربانو کو سعودی سفارت خانے میں ملاقات کے دوران سعودی سفیر نواف بن سعید المالکی نے بہادر پولیس افسر کی میزبانی کی۔ نواف بن سعید المالکی نے پولیس افسر کی ہمت کو سراہتے ہوئے کہا کہ سعودی حکومت ان کے خاندان کے ساتھ شاہی مہمان کے طور پر سعودی سفر کے اخراجات برداشت کرے گی۔
مزید یہ بھی پڑھیں:قومی اسمبلی میں قائدایوان کا انتخاب اتوار کو ہوگا،شہبازشریف، عمرایوب آمنے سامنے
انہوں نے اے ایس پی کی ڈیوٹی کے تئیں بے لوث لگن اور ایک غیر مستحکم صورتحال سے نمٹنے میں پیشہ ورانہ مہارت کی تعریف کی۔ایک روز قبل گلبرگ اے ایس پی نے چیف آف آرمی سٹاف (سی او اے ایس) جنرل سید عاصم منیر سے جنرل ہیڈ کوارٹرز میں ملاقات کی۔جنرل منیر نے زندگی کے تمام شعبوں میں پاکستانی خواتین کے اہم کردار کو تسلیم کیا۔
“آزادی کے بعد سے، پاکستانی خواتین نے اپنی قابلیت، استقامت اور عزم کی وجہ سے اندرون اور بیرون ملک خود کو ممتاز کیا ہے۔”انسپکٹر جنرل آف پولیس (آئی جی پی) پنجاب عثمان انور نے سیدہ شہربانو نقوی کو قائداعظم پولیس میڈل (کیو پی ایم) کے لیے تجویز کیا ہے۔
