کرائسٹ چرس( نیوز ڈیسک ) پاکستان نے پانچویں ٹی ٹوئنٹی میچ میں نیوزی لینڈ کو شکست دیدی، نیوکرائسٹ چرچ میں جاری سیریز کے پانچویں میچ میں پاکستان نے ٹاس جیت کر پہلے بیٹنگ کا فیصلہ کیا تھا،قومی ٹیم کی بیٹنگ لائن اپ نے ایک بار پھر مایوس کیا ، قومی ٹیم 8 وکٹوں کے نقصان پر 20 اوورز میں صرف 134 رنز بنا سکی،پاکستانی اوپنر حسیب اللہ اپنے ڈیبیو میچ میں پہلے ہی اوور میں بغیر کوئی رن بنائے ٹم ساؤتھی کی گیند پر گلین فلپس کے ہاتھوں کیچ آؤٹ ہوکر پویلین لوٹ گئے،محمد رضوان سب سے زیادہ اسکور کرنے والے بلے باز رہے جنہوں نے 38 گیندوں پر 38 رنز اسکور کیے،فخر زمان 33، صاحبزادہ فرحان 19 اور بابر اعظم صرف 13 رنز بنا سکے، تمام بلے باز نیوزی لینڈ کے کھلاڑیوں کے ہاتھوں میں کیچ آؤٹ ہوئے،نیوزی لینڈ کی جانب سے ٹم ساؤتھی اور میٹ ہنری نے 2، 2 وکٹیں حاصل کیں، اس کےعلاوہ لوکی فرگوسن اور ایش سودھی بھی 2،2 وکٹیں حاصل کرنے میں کامیاب رہے،135 رنز کے ہدف کے تعاقب میں نیوزی لینڈ کی بیٹنگ لائن بھی لڑکھڑا گئی، نیوزی لینڈ کی پہلی وکٹ 12 رنز پر گری جب فن ایلن 22 رنز بنا کر زمان خان کی گینید پر حسیب اللہ کو کیچ دے کر پولین لوٹ گئے،ریچن رویندرا صرف ایک رن بنا کر محمد نواز کی گیند پر کیچ آؤٹ ہوئے، افتخار احمد نے ٹم سیفرٹ کو ایل بی ڈبلیو کیا، ون ینگ 22 رن بنا کر محمد نواز کی گیند پر کیچ آؤٹ ہوئے جبکہ مارک چیپمین ایک رن بنا کر رن آؤٹ ہوئے،آج کے کھیلے جانے والے آخری ٹی 20 میچ کیلئے قومی ٹیم میں تین تبدیلیاں کی گئی تھیں، صائم ایوب، حارث رؤف اور وسیم جونیئر کو آرام دیا گیا جبکہ نوجوان وکٹ کیپر بیٹر حسیب اللہ نے اپنے پہلے انٹرنیشنل ٹی ٹوئنٹی کیرئیر کا آغاز کیا۔