ستاروں کی روشنی میں آپ کا آج (جمعے) کا دن کیسا رہے گا ؟
برج حمل ، سیارہ مریخ، 21 مارچ سے 20 اپریل
آپ پھر فضول کاموں میں لگ گئے ہیں۔ موبائل کی جان نہیں چھوڑ رہے اور یہ غلط سمت لے کر جانے کا سبب بن رہا ہے۔ آج توبہ کرکے واپسی کرلیں تو بہتر ہے۔
برج ثور، سیارہ زہرہ، 21 اپریل سے 20 مئی
انشاءاللہ اب اچھی خبریں آئیں گی جن کا تعلق آپ کے مستقبل سے ہوگا اور جو لوگ کافی دنوں سے مشکلات میں تھے وہ تیزی سے آزاد ہوتے چلے جائیں گے۔
برج جوزہ، سیارہ عطارد، 21 مئی سے 20 جون
آپ کوشش کریں کہ بڑے کام میں استخارے کی مدد لی جائے۔ اس وقت آپ کو جو پریشانیاں مل رہی ہیں۔ اس میں آپ کی بڑی غلطیاں شامل ہیں۔ فوری اصلاح کریں۔
برج سرطان، سیارہ چاند، 21 جون سے 20 جولائی
اللہ پاک وہ چیز ضرور عطا فرمائیں گے جو آپ کے لئے بہتر ہے۔ آپ بھی ضد چھوڑ دیں اور اس کی رضا پر راضی ہیں ان دنوں یاحی یا قیوم کا ورد کریں۔
برج اسد، سیارہ شمس، 21 جولائی سے 21 اگست
بڑی آسانی ملے گی اس کام میں جو کافی دنوں سے وبال جان بنا ہوا تھا جو لوگ بھی کسی مشکل میں ہیں۔ آج ہی انشاءاللہ اس سے نجات حاصل کرلیں گے۔
برج سنبلہ ، سیارہ عطارد، 22 اگست سے 22 ستمبر
آپ کی پوزیشن کو اس وقت مضبوط ہونا ہے اور انشاءاللہ ہوگی۔ آپ بھی اس کے لئے کوئی قدم اٹھائیں اس وقت قدرتی چانس مل رہے ہیں ہاتھوں سے نہ جانے دیں۔
برج میزان ، سیارہ زہرہ، 23 ستمبر سے 22 اکتوبر
اللہ نے چاہا تو آج ایک بڑے مسئلے سے نجات ملے گی۔ آپ جس پریشانی کے عالم میں تھے۔ اب اس سے نجات ملے گی جو لوگ بندش وغیرہ میں تھے وہ آزاد ہو سکیں گے۔
برج عقرب ، سیارہ مریخ، 23 اکتوبر سے 22 نومبر
ان دنوں دشمن کی طرف سے محاذ آرائی بند ہو چکی ہے۔ آپ پریشان نہ ہوں اب دل لگا کر اپنا کام کریں۔ آپ کے پاس کچھ آفر بھی خود چل کر آنے کی امید بھی ہے۔
برج قوس ، سیارہ مشتری، 23 نومبر سے 20 دسمبر
آپ اپنے اندر کو صاف کریں، کس راستے پر چل رہے ہیں۔ کیوں اپنے لئے مشکلات پیدا کررہے ہیں ۔ اس راستے پر چلنے سے باز آجائیں جو جسمانی کشش کی طرف جاتا ہے۔
برج جدی ، سیارہ زحل، 21 دسمبر سے 19 جنوری
آپ لوگوں کے لئے آسانیاں پیدا کریں۔ اللہ پاک آپ کے لئے آسانیاں پیدا فرما دیں گے۔ ان دنوں آپ کی نیت کے حساب سے کام ہوگا اس کو درست کرلیں جلدی سے۔
برج دلو ، سیارہ زحل، 20 جنوری سے 18 فروری
آپ جس کام کے پیچھے پڑے ہوئے ہیں۔ وہ انشاءاللہ چند دنوں میں ہو جائے گا۔ ابھی تھوڑا انتظار کرلیں اور آپ کو اپنے روزگارپر توجہ دینے کی اشد ضرورت بھی ہے۔
سیارہ مشتری، 19 فروری سے 20 مارچ
جو لوگ کسی بھی مشکل میں چل رہے ہیں انشاءاللہ اس سے نکل جانے میں کامیاب ہوں گے اور جس بھی طرف سے رکاوٹیں چل رہی تھی وہ اب تیزی سے ختم ہوں گی فکر نہ کریں۔
