بنوں(نیوزڈیسک)بنوں میں 3 سالہ بچے میں پولیو وائرس کی تصدیق ہوئی ہے، تفصیلات کے مطابق پاکستان میں پولیو کا ایک اور کیس سامنے آگیا ،منگل کو بنوں کے تین سالہ بچے میں پولیو وائرس کی تصدیق ہوئی ہے۔قومی ادارہ صحت (این آئی ایچ )کے مطابق رواں سال کا دوسرا پولیو کیس خیبر پختونخوا سے رپورٹ ہوا ،وفاقی وزیر صحت عبدالقادر پٹیل نے کہاکہ بچے کا عمر بھر کیلئے معذورہونا قابل تشویش ہے، ویکسین سے عمر بھرکی معذوری کو ختم کیا جاسکتا ہے، ان کاکہنا تھا کہ پولیو کے خاتمے کیلئے مستحکم بنیادوں پر اقدامات جاری ہیں۔
