لندن(اے بی این نیوز)ہارٹ اٹیک سے متاثر افراد کیلئے نئی قسم کا ہارٹ پیس میکر متعارف، جو ان کا معیارِ زندگی بہتر کرنے میں مدد دے گا۔تقریباً دو لاکھ افراد کو جلد ہی نئی قسم کا پیس میکر سے مستفید ہونگے،وہ مریض جو دل کمزور ہونے کی وجہ سے تھک جاتے تھے اور ان کا سائنس پھول جاتا تھا، اس امپلانٹ کی آزمائش کے دوران انہوں نے تھکے بغیر چہل قدمی جیسی روز مرّہ کی سرگرمیاں انجام دیں۔برٹش ہارٹ فاؤنڈیشن کی جانب سے جدید ٹیکنالوجی سے مزین ہارٹ پیس میکر متعارف ، آزمائش میں شامل ایک شخص کا کہنا تھا کہ یہ نیا پیس میکر نصب ہونے کے بعد وہ خود کو آئرن مین کی طرح محسوس کرتا ہے۔1950 کی دہائی میں ایجاد ہونے والا یہ آلہ بے ترتیب دل کی دھڑکن کو برقی سگنل کے ذریعے کنٹرول کرتا ہے۔ہارٹ فیلیئر ایک ایسی کیفیت ہوتی ہے جس میں پٹھوں کے سخت یا کم زور ہوجانے کی وجہ سے دل مؤثر انداز میں جسم میں خون گردش کرانے کی صلاحیت کھو دیتاہے۔ نئے پیس میکر کے دو یا تین تار دل کے مخصوص خلیوں سے براہ راست جڑے ہوتے ہیں جو دل کے اوپر اور نچے حصے کے درمیان برقی سگنل فراہم کرتے ہیں۔
