کراچی(نیوزڈیسک)کراچی میں کانگو وائرس سے پہلی ہلاکت کے بعد محکمہ صحت نے الرٹ جاری کر دیا ،محکمہ صحت سندھ نے بتایاکہ کراچی میں رواں سال کانگو وائرس سے پہلی ہلاکت رپورٹ ہوئی ،محکمہ صحت کے مطابق28سال کے محمد عادل کو 30اپریل کو بخار ہوا تھا، جس کے بعد4 مئی کو انہیں نجی اسپتال لایا گیا تھا۔محکمہ صحت نے بتایاکہ مریض کےنمونے تصدیق کے لیے آغا خان لیبارٹری بھیجے گئے تھے جس کے بعد ان میں کانگو وائرس کی تصدیق ہوئی تھی، ذرائع کے مطابق مریض میں کانگو کی رپورٹ مثبت آئی تھی جس کے بعد محمد عادل کا انتقال 5 مئی کو ہوا تھا۔