اسلام آباد(اے بی این نیوز)ملک بھر میں 24 گھنٹوں کے دوران کورونا وائرس کے 25کیس رپورٹ ہوئے اور ایک مریض جاں بحق ہوا نیز 11 کی حالت تشویش ناک ہے۔پیرکوقومی ادارہ صحت(این آئی ایچ)کی جانب سے جاری اعدادوشمار کے مطابق ملک بھر میں 24 گھنٹوں کے دوران کورونا وائرس کے2ہزار453ٹیسٹ کیے گئے جن میں سے 25 افراد کے ٹیسٹ مثبت آئے اس طرح مثبت کیسز کی شرح1.02فیصد رہی اور اس دوران کورونا وائرس سے ایک مریض جاں بحق ہوا جبکہ 11 مریضوں کی حالت تشویشناک ہے۔ملک کے مختلف شہروں میں 24 گھنٹوں کے دوران کئے گئے کورونا ٹیسٹ اور مثبت کیسز کے حوالے سے لاہور میں328 افراد میں سے 12 کے ٹیسٹ مثبت آئے اور وہاں پر مثبت کیسز کی شرح 3.66 فیصد رہی۔