اسلام آباد (نیوز ڈیسک) وفاقی وزیر صحت عبدالقادر پٹیل نے کہا ہے کہ انسدادِ پولیو مہم کا دوسرا مرحلہ آج سے شروع ہوگیا ،خیبرپختونخوا کے 27 اضلاع میں مہم چلائی جا رہی ہے۔ ترجمان وزارت صحت کے مطابق ترجمان کے مطابق بلوچستان کے 12 اضلاع میں انسدادِ پولیو مہم عید کے بعد ہوگی، یہاں مردم شماری کے باعث انسداد پولیو مہم ملتوی ہوئی تھی۔وفاقی وزیر صحت عبدالقادر پٹیل نے کہا ہے کہ پولیو کے خاتمے کے لیے مربوط حکمت عملی تشکیل دے رکھی ہے، اس کے خاتمے کے لیے پر عزم ہیں اور مؤثر اقدامات یقینی بنا رہے ہیں جبکہ خیبرپختونخوا کے 10 اضلاع میں مکمل طور پر انسداد پولیو مہم ہوگی،رواں برس پولیو کا ایک کیس رپورٹ ہوا ہے۔