اسلام آباد(نیوز ڈیسک)کورونا کیسز میں اضافہ ہونے لگا،ملک بھر میں 136 لوگ متاثر ، 20 مریضوں کی حالت تشویشناک اور ایک شخص جاں بحق ہو گیا۔بدھ کوقومی ادارہ صحت(این آئی ایچ)کی جانب سے جاری اعدادوشمار کے مطابق ملک بھر میں 24 گھنٹوں کے دوران کورونا وائرس کے4ہزار986ٹیسٹ کیے گئے جن میں سے 136 افراد کے ٹیسٹ مثبت آئے اس طرح مثبت کیسز کی شرح2.73فیصد رہی اور اس دوران کورونا وائرس سے ایک مریض جاں بحق ہوا جبکہ 20 کی حالت تشویشناک ہے۔ملک کے مختلف شہروں میں گزشتہ 24 گھنٹوں کے دوران کئے گئے کورونا ٹیسٹ اور مثبت کیسز کے حوالے سے لاہور میں536 میں سے 17 افراد کے ٹیسٹ مثبت آئے اسی طرح اسلام آباد میں493 میں سے 24 افراد کے ٹیسٹ مثبت آئے کراچی میں 1112افراد میں سے 62 ٹیسٹ مثبت آئے بہاولپور میں 184 افراد میں سے 4 کے ٹیسٹ مثبت آئے ۔