اسلام آباد(اے بی این نیوز   )قومی ادارہ صحت ( این آئی ایچ) نے کہا ہے کہ ملک بھر میں 24 گھنٹوں کے دوران کورونا وائرس کے 42نئے کیس رپورٹ ہوئے جن میں سے 08مریضوں کی حالت تشویش ناک ہے۔جمعہ کو این آئی ایچ کی جانب سے جاری اعدادوشمار کے مطابق ملک بھر میں 24 گھنٹوں کے دوران 5 ہزار160 کورونا ٹیسٹ کیے گئے جن میں سے 42 افراد کے ٹیسٹ مثبت آئے ، اس طرح اس مدت میں کورونا ٹیسٹ کی مثبت شرح 0.81 فیصد رہی۔ مزید برآں اس دوران کورونا وائرس سے کوئی مریض جاں بحق نہیں ہوا جبکہ 08 مریضوں کی حالت تشویشناک ہے ۔ ملک بھر کے مختلف شہروں میں 24 گھنٹوں کے دوران کیے گئے ٹیسٹوں میں سے اسلام آباد میں196 ٹیسٹ کئے گئے جن میں سے 05 ٹیسٹ مثبت آئے اور وہاں پر مثبت کیسز کی شرح 2.55 فیصد رہی۔ اسی طرح کراچی میں319 ٹیسٹ کیے گئے جن میں سے8 ٹیسٹ مثبت آئے، وہاں پر شرح 2.51 فیصد رہی جبکہ لاہور میں ایک ہزار 564 ٹیسٹوں میں سے23 ٹیسٹ مثبت ا ٓئے اور وہاں پر مثبت کیسز کی شرح 1.47 فیصد رہی ۔