اسلام آباد(اے بی این نیوز) وفاقی صحت سہولت پروگرام کے تحت اسلام آباد، آزاد کشمیر اور گلگت بلتستان میں صحت کارڈ کے اجرا کا فیصلہ کیا گیا ہے۔

وفاقی صحت سہولت پروگرام سے متعلق اہم اعلان سامنے آیا ہے،سٹیٹ لائف کے مراسلے میں بتایا گیا کہ اسلام آباد، آزاد کشمیر اور جی بی کے مستقل رہائشی پروگرام سے مستفید ہوں گے، اسٹیٹ لائف کی جانب سے صحت سہولت پروگرام سے منسلک تمام پینل سپتالوں کو ہدایات جاری کردی گئی۔

ا سٹیٹ لائف نے بتایا کہ وفاقی صحت سہولت پروگرام کے تحت ہیلتھ کارڈ 16 جنوری سے فعال ہوجائیں گے، پینل اسپتالوں کو مقررہ تاریخ سے قبل ہیلتھ ڈیسک قائم کرنے کی ہدایت کردی گئی۔

مراسلہ میں بتایا گیا کہ مستحق اور اہل افراد کو بلاتعطل علاج کی سہولیتیں فراہم کی جائیں گی، علاج کی فراہمی کیلئے پینل اسپتالوں کا باقاعدہ معائنہ کیا جائے گا، حکام کی جانب سے پینل اسپتالوں سے مکمل تعاون کی اپیل کی گئی ہے۔

ا سٹیٹ لائف مراسلہ میں مزید کہا گیا کہ وفاقی صحت سہولت پروگرام کو مؤثر انداز میں نافذ کیا جائےگا، وفاقی صحت سہولت پروگرام کا مقصد معیاری اور مفت طبی سہولت کی فراہمی ہے۔

ذرائع نے بتایا کہ وفاقی صحت سہولت پروگرام کےتحت لاکھوں خاندان مستفید ہوں گے، وفاقی صحت سہولت پروگرام کے تحت جاری صحت کارڈ جون 2027 تک مؤثر رہےگا۔ خیال رہے کہ وزیراعظم آزاد کشمیر نے بھی آزاد کشمیر بھر میں 20 جنوری سے قبل صحت کارڈ کی بحالی کا اعلان کیا تھا۔
مزید پڑھیں: طالبان حکومت نے بھارت میں اپنا پہلا سینئر سفارتی نمائندہ تعینات کردیا