اسلام آباد(اے بی این نیوز) پاکستان کو فائزر کی نئی ویکسین چند روز میں ملنے کی توقع ہے، حکام کے مطابق امریکا سے کووڈ ویکسین کی 2لاکھ ڈوززکی آمد چند دنوں میں مل جائیں گی ،نئی فائزر کووڈ ویکسین کی مزید 3 لاکھ ڈوزز بھی اسی مہینے مل جائیں گی،فائزر کی نئی ویکسین کووڈ 19 کے نئے ویرینٹس کیخلاف مؤثر ہے، ویکسین حجاج کرام اور ہائی رسک لوگوں کو لگائی جائیگی،پاکستان میں ابھی تک نئے ویرینٹ جے این ون کا کوئی کیس سامنے نہیں آیا اور پاکستان میں ابھی کووڈ 19 کے کیسز کی شرح ایک فیصد سے بھی کم ہے۔ امریکا، برطانیہ اور بھارت میں کورونا کے نئے ویرینٹ جے این ون کے کیسز سامنے آ رہے ہیں اور نئے ویرینٹ سے بھارت میں اموات بھی ہوئی ہیں جبکہ امریکا میں کورونا کے نئے ویرینٹ سے متاثر افراد کاہسپتالوں میں داخل ہونا بڑھ گیا ہے۔