چلاس(  اے بی این نیوز   ) راولپنڈی سے اسکردو جانے والی کوسٹر ضلع دیامر کے گاؤں ہوڈر میں شاہراہِ قراقرم پر ڈرائیور سے بے قابو ہوکر گہری کھائی میں جاگری جس کے نتیجے میں 3 مسافر جاں بحق اور 22 دیگر زخمی ہوگئے۔ریسکیو 1122 ضلع دیامر کے ڈسٹرکٹ کو آرڈینیٹر شوکت ریاض نے کہا ابتدائی طور پر 4 مسافروں کی حالت تشویشناک تھیریسکیو 1122 ضلع دیامر کے ڈسٹرکٹ کو آرڈینیٹر شوکت ریاض نے بتایا کہ حادثہ اتوار کے روز صبح ساڑھے سات بجے پیش آیا، حادثے میں کوہستان کمیلا، خیبر پختونخوا کے ضلع مردان اور پنجاب کے ضلع نارووال سے رکھنے والے تین افراد جاں بحق ہوئے جب کہ حادثے میں 22 دیگر مسافر زخمی ہوئے۔دوسری جانب وزیر اعلیٰ گلگت بلتستان خالد خورشید نے واقعے پر تشویش اور انسانی جانوں کے ضیاع پر شدید افسوس کا اظہار کیا ہے اور دیامر انتظامیہ کو زخمیوں کو بہتر طبی امداد فراہم کرنے کی ہدایات دی ہیں۔