راولپنڈی ( اے بی این نیوز) انسداد دہشت گردی کی عدالت راولپنڈی نے 26 نومبر اور 28 ستمبر کے احتجاج پر درج 7 مقدمات میں پی ٹی آئی کے بانی کی درخواست ضمانت منظور کر لی۔

پی ٹی آئی کے بانی کی سات مقدمات میں بعد از گرفتاری ضمانت کی درخواست انسداد دہشت گردی کی عدالت راولپنڈی میں دائر کی گئی۔ عدالت نے درخواست ضمانت سماعت کے لیے مقرر کرتے ہوئے فریقین کو نوٹس جاری کر دیئے۔
ضمانت کی درخواستوں کی سماعت یکم ستمبر کو ہونی تھی۔ ساتوں مقدمات میں پی ٹی آئی کے بانی کو اڈیالہ جیل میں گرفتار کرکے جوڈیشل ریمانڈ پر بھیج دیا گیا۔ یہ مقدمات تھانہ نیو ٹاؤن، تھانہ نصیر آباد، تھانہ سول لائن اور تھانہ ٹیکسلا میں درج ہیں۔ پی ٹی آئی کے بانی پر آتش زنی، سازش اور قتل کی منصوبہ بندی کے سنگین الزامات ہیں۔

مزید پڑھیں :مفتی کفایت اللہ دم توڑ گئے