اسلام آباد (اے بی این نیوز ) چیئرمین پی ٹی آئی نے کہا ہے کہ 9 مئی کے واقعات غلطی تھے، دوبارہ نہیں دہرائیں گے۔
چیئرمین پاکستان تحریک انصاف (پی ٹی آئی) بیرسٹر گوہر نے کہا ہے کہ ہم سے بہت غلطیاں ہوئیں، 9 مئی غلط تھا، ایسا دوبارہ نہیں ہونا چاہیے۔
میڈیا سے گفتگو کرتے ہوئے بیرسٹر گوہر نے کہا کہ ہمارے ساتھ قانون کے مطابق سلوک نہیں کیا گیا، ہم 9 مئی کے ٹرائل سے انکاری نہیں ہیں۔
ان کا مزید کہنا تھا کہ بونیر کے لیے ہر جگہ سے لوگ آئے، اور وہ مدد کرنے پر پاک فوج اور حکومت کے شکر گزار ہیں۔
وزیراعلیٰ خیبرپختونخوا نے بونیر کے انفراسٹرکچر کے لیے امداد کا اعلان کیا۔
انہوں نے عوام سے اپیل کی کہ وہ سیلاب زدگان کی دل کھول کر مدد کریں تاکہ اس مشکل وقت میں متاثرہ خاندانوں کی مدد کی جا سکے۔
