کراچی (  اے بی این نیوز  )اسٹیٹ بینک آف پاکستان نے زرمبادلہ کے ذخائر میں اضافے کی نوید سنا دی،زرمبادلہ کے ذخائر 107 ملین ڈالر اضافے کے بعد 9.37ارب ڈالر ہوگئے ہیں۔ اسٹیٹ بینک کی جانب سے جاری کردہ اعداد و شمار کے مطابق 9 جون 2023 کو اسٹیٹ بینک کے پاس زرمبادلہ کے ذخائر کا حجم 4.01ارب ڈالر اور کمرشل بینکوں کے پاس زرمبادلہ کے ذخائر کا حجم 5.35 ارب ڈالر ریکارڈ کیا گیا۔گزشتہ ہفتہ کے دوران زرمبادلہ کے ذخائر میں 107ملین ڈالر کا اضافہ ہوا۔