لندن (نیوزڈیسک)برطانوی حکومت کا آئندہ ہفتے اپنے بڑے بینکوں کی تقریباً 20 سے زائد برانچز بند کرنے کا اعلان کردیا۔ غیرملکی خبررساں ادارے کے مطابق ایچ ایس بی سی اور نیٹ ویسٹ کی 20 سے زیادہ شاخیں آئندہ ہفتے بند ہو جائیں گی۔ بینک اور بلڈنگ سوسائیٹیز اس سال سیکڑوں برانچز بند کرنے کےلیے تیار ہیں۔ صارفین کے ڈیجیٹل بینکنگ استعمال کرنے پر بینکوں نے برانچز کی بندش کا اعلان کیا۔ جن بینکوں کی شاخیں بند ہونگی ان میں لارڈز بینکنگ گروپ، لائیڈ ٹی ایس بی اور بینک آف اسکاٹ لینڈ شامل ہیں، جبکہ ہیلیفیکس بینک، ایچ ایس بی سی بنک اور نیٹ ویسٹ بینک بھی اس میں شامل ہیں۔ سب سے بڑا لارڈز بینکنگ گروپ گزشتہ سال اپنی سیکڑوں برانچز پہلے ہی بند کر چکا ہے۔