ریاض (نیوزڈیسک)سعودی عرب اور روس نے اوپیک پلس کے فریم ورک میں تعاون جاری رکھنے پر اتفاق کیا ہے۔غیرملکی خبررساں ادارے کے مطابق سعودی عرب کے وزیر توانائی شہزادہ عبدالعزیز نے روس کے نائب وزیراعظم سے ملاقات کی۔ملاقات میں روس سعودی عرب تعلقات اور باہمی تعاون کے فروغ پر تبادلہ خیال کیا گیا۔ ملاقات میں تیل کی منڈی کے استحکام اور توازن سے متعلق اوپیک پلس کی کاوشوں کا جائزہ لیا گیا اور تعاون جاری رکھنے پر اتفاق کیا ہے۔
