اسلام آباد(اے بی این نیوز)بین الاقوامی مالیاتی فنڈ (آئی ایم ایف) نے بینظیر انکم سپورٹ پروگرام کا بجٹ بڑھانے پر اطمینان کا اظہار کردیا۔
تفصیلات کے مطابق آئی ایم ایف نے بے نظیر انکم سپورٹ پروگرام کا بجٹ بڑھانے پر اطمینان کا اظہار کرتے ہوئے بے نظیر کفالت پروگرام کی امداد میں مزید اضافے کی بھی سفارش کر دی۔آئی ایم ایف کے مطابق بین الاقوامی معیار کے مقابلے میں بے نظیر کفالت پروگرام کی رقم کم ہے، سماجی تحفظ کیلئے بینظیر انکم سپورٹ پروگرام کے بجٹ کو مضبوط کیا گیا۔
آئی ایم ایف کا کہنا ہے کہ صارفین کی قوتِ خرید برقرار رکھنے کیلئے مراعات میں مناسب اضافہ کیا جا رہا ہے،بے نظیر انکم کے بجٹ میں امدادی پروگراموں پر اخراجات میں 20 فیصد اضافہ شامل ہے، اس کے نتیجے میں کفالت پروگرام کے تحت نقد کیش امداد بڑھائی جائے گی۔
غیر مشروط نقد امداد کی رقم 13,500 روپے سے بڑھا کر 14,500 روپے کی جائے گی، آئی ایم ایف کا کہنا ہے کہ اس سے کفالت پروگرام کی کوریج میں کم از کم 2 لاکھ خاندانوں کا اضافہ متوقع ہے۔مالی سال 2026 کے اختتام تک مستفید خاندانوں کی تعداد 10.2 ملین تک پہنچ جائے گی، 2026 میں نئے گھریلو سروے کے بعد کفالت پروگرام کی امداد بڑھائی جانی چاہئیے، فنڈ کی کفالت امداد نچلے آمدنی والے طبقے کی کھپت کے 15 فیصد تک لے جانے کی تجویز دی۔
فنڈ کی کفالت پروگرام کی رقم میں افراطِ زر کے مطابق ایڈجسٹمنٹ جاری رکھنے کی سفارش کی گئی ہے، آئی ایم ایف کی کنڈیشنل کیش ٹرانسفر پرورگرام کی کوریج میں توسیع کی بھی سفارش کی ہے، بے نظیر انکم کے کنڈیشنل کیش ٹرانسفر کے بجٹ کا مکمل استعمال نہایت اہم ہے۔
مزید پڑھیں: ہیڈ کوچ اظہر محمود کا پاکستان کرکٹ ٹیم کے ساتھ سفر ختم
